اللي فاكر …بقلم الشاعرة سلوى محمود 20 أفريل، 2023 بواسطة souadchahidai اللى فاكر قلبى طيب كل سنة وهو طيب اللى يوم علية عيب اللى خان قلبى وحنانه واللى سرق منى أمانه واللى لظنى خيب كل سنة وهو طيب واللى سن ف يوم سنانه ونهش عمرى وكيانه وقطف وردى وعيدانه كل سنة وهو طيب واللى فاكر قلبى لعبة وهصدق أى كدبة أو هسامح بالمعاتبة كل سنة وهو طيب واللى عمل أبرأ ملاك واتاريه ف الشر دايس واللى كان قسوة وهلاك ويدرسوا غدره ف مدارس كل سنة وهو طيب هبقى واحدة تانية خالص مش هدادى ومش هسايس والغايب يعرف من الحاضر والواقف يِعلم الجالس خلاص مابقتش طيب كل سنة وهو طيب سلوى محمود شارك هذا الموضوع: المشاركة على X (فتح في نافذة جديدة) X شارك على فيس بوك (فتح في نافذة جديدة) فيس بوك إعجاب تحميل... مرتبط
ترانيم بحة الناي 