ما بين الزين و الشين … شعبي عراقي

   بقلمي حسان ألأمين 

 

تسألني عمرك جبير

و مريت بتجارب 

دمعت بيها العين …

راح اجاوب 

و خليها عبرة الج

و عليها امشي زين

نص قرن من عمري كظن 

و ياها عشر اسنين

من جنت طفل 

تعلمت من امي الوفه

 و ارضعت منها الحنين

اسنين العمر 

تسابكَن و كبرنه

و عرفنه شلون نميز 

الزين من الشين

بس ما عرفنه نميز 

أكَلوب أليحبنه

يضحك بوجهنه

 و بالظهر يغرز السجين

الدنيا مليانه قصص

 و سوالفها ما تنفهم

و جاية يالتوّج نبتي 

عن التجارب تسئلين

و حكـَ شيب الــ براسي

 م افهمتها

و عمر يركض ركض

 و اتعدت اسنيني الستين

كل ما تكَول ذاك طيب

 و اله اصل

ينكَلب و يا الزمن

 و يتغير 

جنه انخلق من ذهب

 مو من طين

يتغيير حتى على امه 

و ابوه

و يتكبر

و ما يعرف ان الحياة 

ديّن

يا الي تسئليني 

الناس يتغير طبعها 

بين الخير و الشر

محتارين

دخلت من باب التواضع

و اطلعت خالي الايدين

جربي تعيشي حياتج

 بس لا تتكبري

و اخذي العبر

 من دروس غيرج 

صدكَيني تنجحين

بقلمي حسان ألأمين