….. في خانة الرهن …..

*********************

في خانة الرهن ياأصحابي

 انا فيها هكون مرهون  

عشان محتاج لمال فورا 

ومش لجواز ولا مأذون 

فمين يدفع هنا لشاعر 

لا عنده ضغط ولا قولون 

وياخده رهن ووديعة 

يمجد فيه بكلام موزون 

ويشتم كل أعدائه 

من السد لغاية سلوم ؟

وتمنه يعني مش ياما 

كفايه نقول هنا تلاتين  

يكمل علي يعني معاه 

ويدفعهم هناك عربون 

لأسمنت وحديد وسلك  

وزلط ورمله حمره دوم 

ويفضل ليه جميل عندي 

وليه يترد انا مش دون 

وياخد مني ضماناته 

وأوراقه ليوم معلوم 

أصب البيت عشان مطرة 

وحر لصيف هنا مجنون 

وودع فقر لمماتي 

بلا رجعة يغور ملعون ..  

بقلم .. ياسر فؤاد الجدي  

١٧/٤/٢٠٢٣