سؤال وإجابة

شافوني جميل الأخلاق 

سألوني سؤال بإتنين 

إنت منين وبلدك فيها إيه 

بلدي تشرح القلب الحزين

أجمل مكان علي الأرض

ولو عنها بعيد ليها حنين

أكيد ليها كتير 

ليها عشق سنين

وفيها نسمة هواء

تريح قلوب التعبانين

وكمان ليها ريحة

كالمسك والنردين 

والجدعنة فيها تداوى القلب العليل

وأه علي لهفة الشوق ونظرة العنين

لشوارعها وحواريها وبساطة سكانها

والملامح والعيون كلها برائه وفرحانين

والشخبطة بالجير علي الحيطان ذكرة

في الحاره الكبيرة إللي بابها بضلفتين 

وكمان فيها أمى وأبويا

وإخواتى وجدودى الإتنين

والصحبه الجميلة

وجيرانى الطيبين 

وذكريات الطفولة 

أيام وشهور وسنين 

وإتعلمت فيها معني عزة النفس 

والترحاب بالجايين والرايحين 

عرفتو ياأصحاب السؤال

بلدي فيها إيه وأنا منين

ده يبقى عنوانى مصر أم الدنيا

محافظة المنيا وضحكة العنين

 مركز البشوات ملوي والكل عارفين

وقريتي البياضيه عشاق النيل 

وبالأصالة والشهامه موصوفين

وعيلتى كل ولأدها المحترمين

إن كانوا كبار ولأ صغيرين 

وإللي في حب بلدهم 

ميختلفوش عليهم إتنين 

أنا بن البلد دي وبحبها 

ومهما تطول السنين

ليها في قلبي شوق حنين 

     صموئيل فايق