===== بلاش تبذير =======

 

لما يكون قدامنا طعام

 

بدال الصنف خمسة كتير 

 

التبذير في شهر الخير 

 

حاجة كبيرة بشكل خطير 

 

ليه بس يا ناس دا حرام 

 

كل اللي احنا فيه تبذير 

 

صنف كفاية أو صنفين 

 

ونعرف مين راح ياكل مين 

 

ونعمل حسابنا بالتقدير 

 

لو عندك فايض 

 

ناس محتاجه ……

 

أصلنا إحنا ف شهر الخير 

 

رمضان مش أكل وشرب 

 

رمضان طاعة واحساس بالغير 

 

وصيتي ليكي ياست البيت

 

خلي الحاجة بالمقادير 

 

وسيبي الباقي راح ينفعنا

 

بكره جاي وأيامه كتير 

 

اللي يفيض مننا ياخسارة 

 

حاجة تخلي العقل يطير 

 

اهدي حبة في المصاريف

 

كله عايز صغير وكبير 

 

وأوعي تنسي في ناس محتاجة 

 

أصلنا إحنا في شهر الخير 

 

أصلنا إحنا في شهر الخير 

 

بقلمي 

 

صلاح شعبان الفيداوي 

 

القاهرة 

 

١٥/٤/٢٠٢٢