عناقيد .. الفرح … !!

 

شباك .. هواك ..

عمره .. ف يوم .. 

ما جرح

ولا .. شوفته 

ف النوم …

طرح .. 

ف قلبى ..

غير عناقيد الفرح

وحاجات تانية ..

حلوة .. وكتيرة

بعيد .. 

عن الشك .. والغيرة

كلها فرح .. ومرح 

حاجات .. تفرح ..

قلبى الحزين

بلح .. سمان 

عنب .. ورمان 

وتمر مدهون حنين 

يسر القلب والعين 

وستايره طايرة 

فارده .. جدايلها

ع شباك الجيران 

ناشرة عبير الحنان 

ومدوبة ف قلبى 

سهد .. وأنين 

عديت ف يوم عليه

شاور .. لي بإيديه  

غازلنى .. بحرفين

وشبكنى بنظرتين 

ودبحنى …

برمش العين

وكان .. كل …

اللى .. بتمناه 

نظرة شوق وحنين

وامنى .. قلبى …

ف يوم .. برضاه ..  

شاورلى .. برمشه ..

وجه .. لحد .. عندى 

بعبير .. ورد  

صابح … ومندى

فتح لى .. قلبه 

لقيت قلبى ..

ساكن .. جواه 

ودايب كل يوم 

ف … هواه

اتاريه شاغللي ..

قلبى … وعقلى 

من … سنين 

ولقيت روحى ..

بتهواااااااه

من فرط الشوق ..

والحنين

 

الشاعر / منصور أبوقورة