المسحراتي 22 …بقلم الشاعر صبري حسين 12 أفريل، 2023 بواسطة souadchahidai (المسحراتي) كلمات/صبري حسين (22) مسحراتي انا المسحراتي معاكم ليلاتي في نفس ميعادي اصحوا يا اهلي يا كل احبابي كلامنا اليوم عن مشكلة كتير من بناتي واخواتي السيدات بيتعرضوا لها علي الجروبات الواحدة تكون قاعدة في امان الله تلاقي انفتحت حنفية طلبات الصداقة كتير بتقبل بكل بساطة تقول في نفسها كلنا اخوات داخلين نتكلم ونتبادل المعلومات نكتشف انواع من الثقافات طبعا الغالبية محترمة من البنين والبنات لكن في شوية عديمي الضمير والأخلاق يبدوا في شغل التلت ورقات يبدا يوزع اطقم الحنية يدخل وعلي أنه الناصح الامين صاحب القلب الرحيم يبدا التدخل في الخصوصيات مبعرفش حاجة اسمها خصوصية كل شوية يقتحم الخاص رسائل وبوستات البنت او الست من ادبها مش عايزة تحرجه بتشوف من غير ماترد هو يزيد عن الحد يبدا شغل الإلحاح رسائل في المساء والصباح يا عالم يا هو في حاجة اسمها خصوصية مش معني أنها قبلت صداقتك تبقي من املاكك يا عديم التربية مش كل إنسانة اتكلمت معاك بلطف وتعاملت معاك بحسن الخلق تبقي بدور علي علاقة الغالبية العظمي بنات وستات محترمة نفوسهم سوية قلوبهم نقية العيب في نفسك المريضة في افكارك القذرة تعامل معاها كأنها اختك ترضي حد يتطاول على امك توافق حد يظن ظنك في زوجتك كل اللي في الجروب. اهلك كون سند ليهم اياك تيجي عليهم نصيحة من القلب عامل الكل بكل حب اياك تفرق بين رجل أو ست مفيش فرق بين شاب أو بنت كلنا اخوات عايزين نبدا صفحة جديدة نتخلص من كل الأفكار القبيحة كلنا. اهل وأصحاب مواقع التواصل دي نعمة ليه بافعلنا نحولها. نقمة عايزين نخاف علي بعض عايزين التعامل بكل احترام الاحترام ايها الكرام هو بداية ونهاية الكلام لكم مني تحية وسلام يا مسلمين يا موحدين كل سنة وانتم طيبين رمضان كريم صبري حسين شارك هذا الموضوع: المشاركة على X (فتح في نافذة جديدة) X شارك على فيس بوك (فتح في نافذة جديدة) فيس بوك إعجاب تحميل... مرتبط
ترانيم بحة الناي 