…. عزبة شوقي باشا ….

********************

أيوه دور للخلف مرش 

وديرله خدك ديرله وش 

خلي كف الباشا ترسم 

للحدود خليك فرش 

أوعى يوم تحلم ببكرة 

أو تخطط بس هس  

أمحي قبله الحلم دوت 

من ذاكرتك يلا كش 

كش في الشطرنج غالب 

وانت مغلوب ياخي حس 

كالفراخ لما تبيت 

لك يقولوا يلا هش 

ديا عزبه شوقي باشا

وانت أجري جاي بقرش 

أوعى يوم تعشق لأنچي 

 مهما شفت ده كله غش 

انت انت ابن الجنايني 

لو معاك مليار لفلس 

لو بقيت دكتور بتكشف 

لك عياده وحجز ألف 

أو مهندس او محامي 

اومحاسب برضوا جلف ؟

جلف بالنسبه لجنابه 

وبأشارة تروح برمش 

تبقى خاين كلب عايم 

في الخيانة وماتعافرش 

مين يصدق لك صديقي 

كله كذب ليك ودش  

القرايب والزمايل 

والحبايب حتى درش  

والمدام هتقول يالهوي 

سوس بينخر جوه درس 

كانش باين أنه خاين 

رغم شكله شكل برص 

كله هيقول يومها عنك 

كنت ساهي ودود ف مش 

دورله يلا خلف مرش 

وديرله خدك ديرله وش ؟

بقلم .. ياسر فؤاد الجدي  

الثلاثاء .. ١١/٤/٢٠٢٣