يا ابن آدم

 

اصل الكفن سلت ملت

وحتى هيبلى

 مع الزمن ويدوب 

 

الجسم راح يأكله دود

 الأرض ويفنى

 لاعاد عز ولا طيوب

 

تزول الابهة والعظمة 

من التراب 

اتخلقت وله هتؤوب

 

يا ابن آدم مهما طال

عمرك مسيره راح

ينتهي و محسوب

 

ارمح فى دنياك كما 

شئت واركض 

ولف فيها وجوب

 

يوم راح تودع الدنيا 

واخد معاك 

عملك حسنات وذنوب

 

وكل سعيك فى الدنيا 

متقدر خير 

شر متسجل ومكتوب

 

اخلص العمل لله وصفي

 النية 

يا ابن آدم ربنا رب قلوب

 

يوم القيامة الحق يرجع

 لأصحابه

لا فيه أنكار ولا هروب

 

دنيا ورب الأرزاق مقسمها 

على العباد 

ولك من الرزق نوب

 

اياك تغرك دنيتك 

يا ابن آدم الحق قبل

 المنية استغفر توب

 

        شاعر العامية/ عبد المنعم حمدي رضوان