………( رمضان في مصر)………

رمضان في مصر حاجة تانيه

وصيامه جميل ثانية بثانيه

أخلاقه تحوم والدين بيكون

حامي المحروم لو م البمية

في الخير بنعوم وطلع له نجوم

ع الكل تحوم تملى الدنيا 

والناس بركات والفرحة حاجات

صومه ملزات تبني البنيه

والخوف م الله واضح تلقاه

من حامل الجاه وفقير كان جاع قبله بثانيه

بيبان له عطاه قرب من الله

والكل معاه له أمنية

يقرا القران يسمع لآذان

ذكر الرحمن والأنبيه

أطفالنا تصوم بقى وسط القوم

وصلاتها تدوم وقلوب مليانه بحنيه

مع كل آذان مسجد مليان

في الفجر كمان وصلاة للفرد وعائلية

ساعة الإفطار الكل إحتار

يطعم صايم لو بالمية

فوق الطرقات ناس شايله حاجات

فاكهه مربات غير الوجبات لقمة هنية

قبل الإفطار في صغار وكبار

وقت أذانه واقفة الناس مستنية

فرحة صايمين على ناس واقفين

حسنة بعشرين والكل أمين ياخد الجايه

رمضان بالخير بيلف يدور 

وبيملى الدور ولادار تتساب أو منسية

لو متخانقين رمضان ومعين 

وبحب ولين قلوب الناس متوضية

وصل الأرحام الناس في زحام

عايشين في سلام ولاقلب يشيل أي أذية

أطباق بتفوت بتشيل القوت

وبكل سكوت ع الجار بتشوفها معدية

رمضانه في مصر تلاقي الوصل

في صلاة العصر قلوب فرحانه ومرضية

صدقاته كتير على كل فقير

على بابه تطير تدخل له وايده لسه عافيه

المصرين ديما فرحين ويقولوا أمين

رمضانه كريم ربك بيجيبهولنه عطيه

فيه تلقى الدين صاحي وبيعين

حتى البايعين بتلاقي ضمايرهم حية

الدين في ثبات والكل سريع خلف الحسنات

ياخدالحسنة ويخاف لاتبات وماهيش جايه

رمضان ياولاد في ذكاته حياة

ريح الجنات هبت على ناسها مصلية

يأروا القرآن وسباق وزحام 

على سورة كام انا سابق عنك ياعطية

 ويارب يكون رمضان ميت يوم

مانشوفش هموم ولافيه بنشوف أي قضية

………………..( شــعـــــر )………………

              عبــداللــــــه السايح