……… غيرة قاتلة؟ ……….

************************

مراتي بتغير وعليا 

هنا م الستات 

ويوماتي عامله لي مشاكل 

وتقول بهواك 

تحذف هنا الفيس وماسنجر 

علشان قمرات 

باعتين رسايل لجنابي 

وتعمل حوارات 

وتهدد انها راح تمشي 

وتاخد لحياة 

وانا ليها مابخونش بتاتا 

ده انا عندي بنات 

واللي هتجنيه وبأيدك 

عندك هيبات ؟ 

ورقيب مع عتيد بيسجل 

حتى الهمسات 

وبخاف من النار واتضرع 

ابقى ف جنات  

أدخل برجلي أزاي يعني 

لنار وويلات 

ياخلق حد يفهمها  

وياخد ثوابات 

يقولها الشعر فى دمي 

بدل الكرات ؟  

مش معنى واحده تعلقلي 

على كل حالات 

تبقى فى هوايا ياناس دايبه 

وفى بينا حاجات 

ممكن يكون جوه قصيدة 

بيت أو أبيات  

لمست هنا أحساس صادق  

لشيرين وهناء 

دخلوا على الخاص راسلوني 

عادي مجاملات  

ده انا صفحة مفتوحه قصادك 

والرمز معاك 

مالكيش حق هنا تشكي 

وفيا انا بالذات 

لو خنت ليكي ياروح قلبي 

هتشوفي دعوات 

لفرح وزفه هنا وفرقة 

وجاتوه وشربات .. 

بقلم .. ياسر فؤاد الجدي 

الأربعاء .. 5/4/2023