……. أشحن علشان تعيش ……..

أشحن بسبع ألاف 

هوا ليك ولأسرتك 

لو أسرتك عزيزي

سبعة وبحضرتك 

هيكفوا الشهر كله

وأحنا في خدمتك 

الفرد معانا واقف

بألف فى جزمتك

وان قبل الشهر خلص

الشحن دي غلطتك

سوء الترشيد عزيزي 

دايما ده بلوتك 

لكن معانا دايما 

حلولنا هتبسطك 

لك سلفة لحد يابني

ألفين وبصحتك 

الشعب فى أيد أمينه

وأمينه دي حبتك 

وهواك معانا مصري

فصفي نيتك 

بكره اللي جاي أحلى

كاميرات في شقتك

أقمت علاقة تدفع 

  ولو مع مزتك 

راحتك علينا واجب 

وواجبنا نسعدك 

وده كله عشان بلدنا

مامتنا وجدتك 

بقلم .. ياسر فؤاد الجدي 

الأربعاء 25/1/2023.