((يومك يا أمي))

اليوم ده يومك يا أمي

لو في آخر الدنيا جايلك

تعيشي ليّا يا حبيبتي

وازاي ارد جمايلك

بدعي ربي يخليكي 

من جوة قلبي وروحي

م انتي دوايا وبلسم جروحي

وانا كلي ملكك يا أمي وليكي

في قلبي وعيوني شايلك 

طول عمري عايش برضاكي

والدنيا تحلالي معاكي

ولا شيء يهنالي بعدك

ده انتي قلبي ومناه

ورضاكي كل الحياه

أملي ومنايّا سعدك

شاوري تلاقيني عندك

أضحي بالغالي فداكي

وأسأل ربي رضاكي

حافظ يا أمي عهدك

لو في آخر الدنيا جايلك

في عيوني وقلبي شايلك 

حنيت ياما واشتقتلك

ملهوف طاير ورجعتلك

تسوى أيه الدنيا بعدك

على طول معايا وأشتاق إليكي

وكل دنيتي يا غالية نظرة عنيكي

لما أبوس وأحضن إيديكي

دي الجنة تحت رجليكي

وهبها ربي يا حبيبتي ليكي

أمي حبيبتي روحي فيكي

لو في آخر الدنيا جايلك

في عيوني وقلبي شايلك

أحمد الغرباوي