…… (علمني فى الأول أحبك)……… 

علمني فى الأول أحبك 

نسيني وياك أحزاني

إكدب لو حتى بكدبك

هتدوب وياك حرماني

كلمني سمعني كلامك

الصمت زود لي جناني

أنا زهرة دبلانه فى قلبك

بحنانك بلل أغصاني

تفكير الناس ليه يلعب بك

وبقسوة ليه تبقى الجاني

لو نظرة حب على دربك 

هفتح لك فى الحال أحضاني

لونمشي وانا إيدي فى إيدك

اللمسه هتكون فى كياني

علمني الحب ياسيدي

نسيني وياك أحزاني 

إسقيني من حبك مرة

أسقيك من نبع حناني

أنا أنثى من الأول حرة

ومشاعري تحدد أشجاني

بقيودك الدنيا دي مرة

لو باعطي مش باعطي عشاني

أنا باعطي وانا زي الصخرة

من ظلمك نستني زماني

إحساسي من ظلمك ميت

تفكيرك ولد عصياني

علمني في الأول احبك

من غير مالحب يعاني

وابني له بيته في قلبك

واساسه يكون وحده إيماني

وازاي تقدر وانا جانبك

يتفتح زهري ف أغصاني

علمني في الأول احبك

وبلاش تزرع لي أناني

…… (شعر)……… .

عبدالله السايح