ناس و ناس …بقلم الشاعر أحمد الغرباوي 6 مارس، 2023 بواسطة souadchahidai ((ناس وناس)) بنقول فيه نا س وناس ومش كل الناس بتكون ناس فيه ناس بجد قلوب تحس مستحيل تكدب أو تغش فى الأصل ماسكة زي الملايكة بأنقى قلب وأحلى وش نسمة وضحكة مستحيل منهم نكش وناس معدومين الإحساس غدر وفساد وظلم وبألف ألف لون وألف وش وناس مالهاش في الدور عايشين في الهوا والنور قربهم هنا وسرور عنهم احنا ما نفارقش تقول ذهب تقول ماس شهامة وجدعنة وإحساس من غيرهم نحتار نلمّس نتوه ندوب.. نوش وناس تانية ناسية إن الدنيا فانية بتخونك في كل ثانية المهم تملا الجيب وتعبي الكرش عايشين خداع وغرور ما يساوا طوبة في سور ولا حتى قرش ناس واطيّة بالنعال تنداس مهما يفوت الزمن ويدور أصل الناس بيلعب دور واسأل يا ابن الناس عليك أنا ما أكذبش طول عمر الخسيس ندل وحقير مهما كان الدم فوقه يمشي يسير طول عمره واطي حتى لو ساكن فى أخر دور منه اوعى.. واحذر ما تتفائلش والأصيل مكانه عالي حتى لوعايش فى جحور حس بيه.. وشوفه له ما تحتقرش الناس بالأفعال تنقاس ناس ألماظ وذهب وناس أغلى من الماس وناس عليهم انكتب ناس فالصو.. زي الدود في المش ناس رخيصة ما تسواش مهما طلعت ما تعلاش مخاليق للنار حطب شياطين أنجاس مالهومش أي تلاتين لزمة زي المسمار في الجزمة فالحين بس يعملوا أزمة وعقولهم مقفولة بترباس أحمد الغرباوي شارك هذا الموضوع: المشاركة على X (فتح في نافذة جديدة) X شارك على فيس بوك (فتح في نافذة جديدة) فيس بوك إعجاب تحميل... مرتبط
ترانيم بحة الناي 