لي درتيه تلاقيه.

 

يا الحافر الحفرة

لا تزيد تغرقها

الا تدور الدورة

وتجيبك القدرة 

وتطيح انت فيها

الحاجة لي درتيها 

ديرها بالحساب

الا ترجع من بعد ليك

وتكون انت عالباب

تبدأ منك و بيك

تلقاك فطريقها

ما تعقل عليك

الكاس لي تسقي بها

هي لي غتسقيك

عمرها بالخير والمحبة

لا تعمرها بالشر والمرار

لا تدير الزمان سبة

وتقول ما بقاو خيار

وهادشي علاش نوصيك. 

وصاية ما تقتل ما تحيي 

غير علقها فوذنيك

الزمان يدور 

السوايع بدالة

لا تقول قطعتي البحور

وتعجبك ديك الحالة

ما تكون شقي ولا مغرور

 وتولى حالتك مذبالة.

 

            خديجة باحو.