لسان الحال …بقلم الشاعرة حبيبة أخريف 27 فيفري، 2023 بواسطة souadchahidai لسان الحال ينطق وگول. / حتى لاين/ بلادنا بلاد الخير بلاد لفلاحة والصناعة وصيادة ههههه كيبانلي بلي حنا لي وسط الشبكة البراح يبرح بلبطاطا ما قرب حد ماطيشة حزمات للشاري وتزنگات قالت ليه إياك تقرب حتى يجي رمضان نفرجك البصلة بكاتنا من بعيد والگرعة حمرات لوجه ؤسوكات حتى هي تحزمات وحال لسانهم يگول گالوا الحالة دابا تزيان خرجوا لعلام الضحكة علينا تيقنا وراه غير التلفا مشعولة اما المواطن تشوى كاين لي كيتسوق فالعشرة وكاين لي مع المغرب يترجى الرخى يشري الزبل بلغلى ولسان حالو يگول لا حول ولا قوة الا بالله ليه الشكوى بلادنا فيها جوج بحور خيرهوم يمشي برخص التراب علك ترضى كانت غير اوروبا زادوا حتى افريقيا تفرق خيرنا، غلات المعيشة الدعوة للعالي مول الامانة يصاوبها من عندوا الغول ما بغى يشبع والقربان حنا حتى لاين ياك حنا تبلينا بشي قومان تعداو هاجوج وما جوج حبيبة أخريف من المغرب شارك هذا الموضوع: المشاركة على X (فتح في نافذة جديدة) X شارك على فيس بوك (فتح في نافذة جديدة) فيس بوك إعجاب تحميل... مرتبط
ترانيم بحة الناي 