لله أمرنا ….بقلم الشاعر أحمد الغرباوي 21 فيفري، 2023 بواسطة souadchahidai ((لله أمرنا)) اكتبوها فوق قبرنا لله سلمنا أمرنا ولا كان بإيدنا ولا ذنبنا في ليلة سودة مطلعلهاش نهار حلم رعب للصغار والكبار حقيقة بجد ومش هزار وفي عز نومنا شدنا زلزالنا وثار علينا ده مش بس هزنا.. منه اترعبنا واتهلعنا كلنا وقفت معاه قلوبنا ونشّف دمنا حتى بيتنا ماقدرش يحمينا ولا حتى يصدنا خان وغدر بينا ودك عضمنا وبدال ما كان حارسنا بقى هو هو.. هو سجننا والسقف اللي كان حامينا وساترنا قَلب كابوس فوقنا وتحتنا وبرضو هو هو.. هو قبرنا والطقس من رعبه ماوقفش جنبنا قلبها رياح وجليد وكان ضدنا بصوا شوفوا حبايبنا وأهلنا انجدوهم أيوة قبلنا وعليهم طمنونا ماتحرقوش قلبنا بس اوعوا تصدمنونا ومن تاني تموتونا ماتقولوش سباقونا وقابلوا ربنا وان كانت دي الحقيقة حياتنا بدونهم دقيقة بلاها ماتهمنا ولله أمرنا روحوا وسيبونا في حالنا واهو حطام دارنا قبر ولمّنا أحمد الغرباوي شارك هذا الموضوع: المشاركة على X (فتح في نافذة جديدة) X شارك على فيس بوك (فتح في نافذة جديدة) فيس بوك إعجاب تحميل... مرتبط
ترانيم بحة الناي 