كلمات ورسم بقلمى /السيد محمد

   ( مكتوب عليا أحبك )

مكتوب عليا أحبك..

وأعيش وادوب فى حبك..

أسعد واشوف الفرح فى قربك..

وأحزن وأنجرح من بعدك..

ماأنتى قمر ومحدش قدك..

وأجمل ملاك ولا حد همك ..

ماطبعا من حقك..

عيونك جميله وقمر ويالهوى على جفونك وحواجبك ورمشك..

ده الورد كله مزروع على خدك..

وعسل أبيض فى طعم شفايك..

والشهد بينزل من فمك..

وعطر الانفاس بيخرج بريحة المسك من انفك..

فسبحان الله الذى ابدع فى جمالك ورسمك..

خلقك ارق من الرقه وكل الدلال أوجده فى حسنك..

ضفاير شعرك من لون الليل بترفرف زى الطير وكمان بتلمع من ضيك..

زى الغزاله فى مشيتك وكل اللى شافك حبك..

أجمل معانى الاسم بلاقيها فى أسمك..

ولو فضلت اتكلم باقى عمرى فيكى مش هيكفينى كل الكلام فى وصفك..

وعلشان كده مكتوب عليا أحبك…