/ حكاية مسكين

    ——————/

 

(راه القلب حامل لهموم يحكي أسرار امحاين مسكين)

—————

  ( الحمل حمل ثقيل والجيب جيب فارغ فهل فعلا

    الصبر شيء جميل .؟.! )

  ( الغالب والحاكم واكل…….والمقهور مغلوب جايع )

 

(زجل)

 

يا قلبي يا مكوي بالنار

يا الباكي طابت لشفار

 

الزمان اصعيب يا مَكَْواني

كيف ابلاكم اخوتي ابلاني

قلٌت الدرهم و الفقر اكثير

 

غير ضربوا….جلدي امولف

من احطب عود يتحرق به

من جاع اليوم… غدا يشبع.!

 

من يحفر حفرة يسقط فيها

تكويه النار الكاوية مسكين!

 

ما شاوي ألحم دخان الجار!

الريحة تكفي…تقتل الجوع!

 

*يدخل لسوق يخرج خاوي.!

القفة اصغيرة على قد الحال

لا دقيق لا زيت

                    الكانون مطفي!

ماتت الرغبة………و الشهوات!

 

ياشياب ابلادي يا مومنين

الشكوى لله.. و..الصالحين

 

كول واشرب بالعاشق ذهبي

لا همٌك امري اسباب اعذابي

 

الى شاط الخير علفو للحوت

يلقاني نلقاه في قارب الموت

 

ودعنا اولادنا ابكينا بدموع

عيد ميلاد حرفي بلا شموع

امحاين موت ضربت ضلوع!

 

من احسدنا ..ما.. انحسدوه

تابعينو بالعين ما يربح شي

 

ليام الماجية اتفرجني فيه

اتعرٌِي المَكْسي يبقى عريان

 

ضحكة واشماتة ذاك المذلول.!

 

نحكي بالليل نحكي بانهار

حكاية أمعيزة أُو معزيزة.!

 

يهجم الغول طاغي جبار

يدخل يفرس ف قلب الدار

 

يرحم الله و ايجدد الرحمة

أمي مع جدة يا مرحومات

 

ساعات الليل تحمل حكايات

راه الهاجم ايموت بلا احكام

 

اشرع الله مكتوب في لوحة

تحكي تشهد النجوم الساهرة

 

عِشْرة ليام عِشْرة طويلة

ِ عشرة لعمر أيَا مسكين

ما ينساك بال ما ينساك خاطر

 

عدي عيش باش جاب الله

لابد الهم يترفع يغنيك الله

  

تشرب تاكل…بعشر اصباع

خيرات الله…..خير الجميع

 

يلعن الله بطن الحرام

قريب قريب ينفجر!

الجميع يأكل أو يشبع!

 

* قل لي قل لي حبيبي انا وأنت سوا.!

 

ذ/ العابد عبد الرحيم : 18/02/2023

ملهمتي الفقيه بن صالح المغرب رسالة