بيقولوا

بيقولوا عليك ضحكة 

حلوة قوي وطعمه 

بتخلي القلب يرقص 

ويزيد ألف دقه 

 بإسمك كتبوا الضحكة 

وكل ماتضحك أنثى

يقولوا ضحكة الملكة

 

 بيقولوا عليك قوام 

تفاصيل حنان وغرام 

تشوفه العيون تهدى

حتى الصبايا بتحلم

تاخد معاك صورة

 

بيقولوا عليك عيون 

سحر ودلال وجنون 

والكحل راسم حكاية 

والكل عاشق مفتون 

راسمهم أحلا طلة

 

بيقولوا عليك روح 

ماليها زي وروح 

مليانة احساس وحنان 

يروي القلب العطشان 

تشفي القلب المجروح

 

كلمات : محمود صلاح