بقلمى / السيد محمد 

عزيزى المصور.. 

مهما تحمض فى الصور.. 

لا يمكن تطلع نفس الصور.. 

فى صوره بتبين ضحكتك.. 

وهي فى الأصل كدبتك.. 

ما هى دى لعبتك.. 

تعديل صور.. 

تضيف ألوان.. 

تغير ملامح من أحزان.. 

حتي الخلفيه.. 

مبقتش هي.. 

والحقيقه أصبحت مداريه.. 

مجهوله عنك كل الحقايق.. 

و الظاهر منك فرحان ورايق.. 

وياريت رايق ده فى الأصل مش طايق.. 

بتصبر نفسك بصور ماليها أساس.. 

وبتدفن جواها مشاعر وصدق إحساس..

ده مهما تتمادى لا يمكن حقيقتك هتنداس.. 

مع اللى شايفك.. 

واللي عارفك.. 

ده اللى عارفك جوه نفسك.. 

لا يمكن إحساسه يموت.. 

مهما يتعلم السكوت.. 

صرخته هتعلى لما يحس نفسه بيموت..

فبلاش تنوع فى الصور.. 

وأرضى بطبيعتك من غير صور.. 

بقلم /السيد محمد