الله يرحم أيام آزمان /لمسيد/

أيام لمسيد ولفقيه المزيان

آحفظنا فاللوح ايات القران

نحفض ونمسح بالصلصال

ننسخ من جديد أية من أيات الفرقان

بعد ما نعرض على لفقيه

بالخشوع والتشجيع يعل

صوتي مع خوتي 

ياااااه على ديك ليام 

الخبز حافي والرجل 

حتي هي نطويها

باش ما يضربني لفقيه

إلي خطيت النغمة 

يشير بقطيبو البري علينا

وهو ساير يسمع 

فينا يعرف صوت

 كل واحد فينا

كان يتخلص من والدينا

بالرحمة وشي عراضة

يقراو فيها الفقها السلكة

يترحموا علي جدودنا

لي ولد ما مات

الله يرحمك يا بويا

كانت دارنا ما تخواش

من صوة القرأن

كل عام يدبح ووكل كل

الحومة

يما حتا هي تشمر توجد

مع النسا(ء)

طيب تحط للزيار

يدعيو معاها بالدرية

الصالحة

فينك يا ديك ليام

غابو الوالدين

غاب معاهوم صوة

الفقها وغابت دارنا حتا هي

الله يرحم السلف 

خلاو للخلف ما يعاودو

عليهم 

يرحم إيام آزمان

لي ما تعاد

والولدين لي ما حناش

نكملوا رسالتهوم

غير فبني وعلي

سير وخلي

وغابت قرايت القران

ولفقيه آلا من رحم ربي

 

حبيبة اخريف من المغرب