تعظيم سلام لكل فلاح لسه عمال يزرع وبيكافح في زمن كل ال فيه مصالح ضحكوا علينا وخدنا أكبر صابونه لما قالوا بع ارضك وفي البنك فوايد و هندم هدومك وعيش حياتك عيش لك يومين قبل مماتك ليه تتعب وتعرق جنابك ما أنت هتاخد الفوايد يبقي ليه تربي المواشي أو حتي فرخه تبيض لك بيضه ما أنت خلاص هتاخد فوايد حتي الجاموسه ال بتحلب وياخد منها قشطة ويعمل منها جبنه باعها مع ال اشتري الأرض لا عاد فيه قمح يزرعه ولا حتي جسر أرض يزرعه فول وفلفل اخضر ولاحتي فرع باميه ماهو خلاص عمل أفندي وبقي يتكلم في الكوره والسياسه ضحكوا عليه لما اكلوه لنشون وجبنه رومي ولحمه مستورده اشي برازيلي ودي سوداني خلوه يرتم بالإنجليزي والفرنساوي وعمل مثقف بكلمتين سمعهم يا عم أرجع لأرضك وطينك وربي تاني البطه والوزه والجاموسة وسيبك من العولمه قبل ما الكل يروح في دوكه أكرم كبشة
ترانيم بحة الناي 