قصيدة بعنوان

كل عام وأنتم بألف خير

بقدوم الشهر الفضيل 

أعاده علينا وعليكم 

بخير إتحملوني في

هذه القصيدة

لأني حاولت أن 

أعبر عن جانب

من واقعنا اليوم 

من وجهة نظري فقط

وماهو الا كلام كتب

بخط إيدي وبقلمي.

(كل ال كان منتظر؟؟؟؟؟!)

كل ال كان منتظر 

وعامل لي فيها إمام. 

أهو جه ياخوي ودخل

علينا رمضان وبقينا

في صيام.

وشيطانك المعتاد طلقته

في وسط زحام…

تبص للحرام من ورا

وتبص من قدام. 

وخدلي السوق كشوطه. 

وبتزحف بصدرك في الطريق

وعامل بتسأل على الأسعار

يابياع سعرك غالي طيب

النهارده بكام. 

فاهم الأمور غلط. 

وفاكرنا إحنا أصنام. 

رمضان شهر عباده ياعالم

زي بقية الشهور تمام. 

 رمضان شهر من عدة شهور 

ربك كرمه ونزل فيه القرآن  

 في رمضان تعمل تقي

وبقية السنه بلا إسلام.  

بتضحك علينا ياحج. 

إنتى من ساعه قبل الهلال 

ما يبان على القهوه قاعد

قهقه ومركب للشيشه لجام. 

وفاتح صدرك بالعبيط

جايب في سيرة الخلق 

وآخرها تقول دا كلام.  

ماترحم أبو ال جابونا.  

ما كل الشهور في سلام

هاتفرق معاك مين فطر

 ومين كان صلى وصام.

سهران طول الليل تقلب

من قناه لقناة مرة مسلسل

وتعد لي في أفلام.

تغير من الفوازير

لرامز ابن جلال دا فلوسهم 

ياغبي بالكوم وانت العويل

شمام…..

والنهار لوجه وشقشق الصبح

تدعق لي في عينيك 

وتبدأ صلاتك نيام.  

وشخيرك يجيب الشارع. 

لو قومت غلطة من الأوده

غلطه للحمام.

 تطمطع وتتواب

وتشد في لباسك وعماصك

وعينيك كأنهم في خصام. 

وقبل رمضان بأسبوع 

بتتفنن النسوان هز ياراجل

طولك وشخلل جيوب. 

مش معاك إداين. 

 تنزل جايبه السوق من اوله

لأخره سكر وشاي وزيت

مكرونه ولفة رقاق تمر هندي

وبلح وعصير وتنفض جيوبها

في الآخر على اللحام.  

وكأننا في مولد غير الزينه 

على الجدران دا نورت أخضر

ودا أحمر وعيشتنا على الأوهام.

 وفوانيس صيني بتبرق. 

وأغاني وحوي ياحوي. 

والحوسه على الخدام.  

لا قادر يقول بم ولانفس

وكأنه فاصل شحن أو مصاب

بفصام…….

معاك فلوس للهدوم ومعاك لعمل

الكعك معاك للبسكويت والبيتفور 

هاعمله في الفرن تحت 

وخداها مص وشفت ونحت الحمار

نحت وهو لا حول له من قوه. 

راشقه في ضهرة سهام. 

كل ما يحاول يفز يبرك

بركبه العوج وقروشه على 

البياع تطير وترفرف 

كأنها حمام……..

ويعدي رمضان زي ال

كان قبله ال استلف كام

قرش وال اداين وخربط

الموازين حليني لما يعدل

كفته وترجع خالتك ريمه

لعادتها القديمه. 

وتبدأ حياتنا معارك والحرب

تفضل دايمه ونقضي

عيشتنا خصام……..

كل ال كان منتظر وعامل

لي فيها إمام…….

وكل عام وأنتم بألف خير

أعاده علينا وعليكم 

باليمن والبركات

12/3/2024

(ترنيمات وخواطر.بقلم…………)

(شاعر العاميه/خيرى حسنى…)