…….. طفل بيسأل …….. 

********************

ماما الناس بدأت تتسحر 

وأحنا لحد الآن مافطرنا 

وكل الناس مستوره ببيتها 

وأحنا بخيمة قيامنا ونومنا  

كل الناس بتبات وآمنه  

وأحنا الموت يحصد أرواحنا 

بالصواريخ مع قناص غادر 

أو دبابة تفت عظامنا 

وين العرب أخواتنا ياأمي 

ليه سايبينا قوليلي لحالنا 

كل الدول الكبرى علينا  

مع محتل لخيمة وبابنا  

والمحتل بيقتل لينا 

وأحنا بمشفى هناك لعلاجنا 

نايمين أو صاحيين بنموتوا 

وأحنا بناخد هنا لفطارنا 

ناس بتوصل ناس تدفنها 

وبكره علينا الدور لتربنا ….  

#ربك يابني معانا وشايف 

مين قال ربك أبداً سابنا 

ده أحنا ياولدي وكل بلدنا 

فدا للأقصى وفدا لوطنا   

بكره الفجر يهل علينا 

ويمحي ضلام الليل ووجعنا 

وجوه الأقصى لما نصلي 

يومها هننسى كل تعبنا 

بكره هييجي وصبحه قريب 

وعد الله بأيات قرآنا.. 

بقلمي الشاعر ياسر فؤاد الجدي     

الأحد .. ١٠/٣/٢٠٢٤