//////+++واش عرفتي+++//////

واش عرفتي بلي عيونك

سبقوني سرقو عينية

جعلوني اسجين ظنونك

ياللي موجهة سهامك ليا

خلاوني على حافة بركان

وصلوني محبوبي لغرام

وانا في حالة ما ندمان

سبحو بيا ف عالم لحلام

وانا للي شارب كيسانو

ماتركو ليا سر الراحة

بصمو ليا سر ديوانو

وانا للي عارف سر ساحة

لمن نشكي قلبي ونبضو

قطفو ليا سر العنوان

ياعيوني ياك هذا حظو

هذا حالي هذا لمكان

ف فصل اربيع ياك بزهارو

يالراسمة البسمة ف جبينك

سرها ياك ظاهر بنوارو

انت للي حاضرة وا فينك

بقلم صقر الحروف

الزجال المحجوب بوسبولة