****((( العَسَل مِنِك سال )))*****

لَما كَتَبتي شِعِر إنتَعشَت الاشعار

حُروف لَون الزَهِر بَدي أهَنيكي

مِنها العُطُر فَواح تذَكَرت يَلي صار

يومٍ زعِلتي الدَمِع عَ دراج خَديكي

الغَزَل مِنِك حُلو بِعيونِك الاسرار

وبَدر السما وَجهِك الله عاطيكي

قُلتي حروف الزَجَل صار الفرح بالدار

والكاس عِندي طَفَح حَبيت أسقيكي

والكاس كُله مَحَبة بوقِف الاعصار

وكاس العِشِق مَليان بَلَش يِناديكي

بجَنبي قَعَدتي وقُلتي حُبنا جَبار

وبديت قُلِك زَجَل حَتى أراضيكي

ولَما غَنَيتي مَعي القَلب عِندي طار

والعَسَل مِنِك سال غَرَق أواعيكي

وزُنار خَصرِك تحَرَك رَقَص الاقمار

من السما نِجمة جاي تَتبوس إيديكي

فوتي لَقَلبي وشوفي العَزف عالاوتار

قَلبِك مَعاي ولا مَرة بَجافيكي

..بقلمي..ياسين مصطفى بكري….