……… عمل معروف ……….. 

*********************** 

خجلان والله انا هنا ليكم 

وليكو ورب الكون مكسوف ؟ 

والذل ماليني مشبعني 

من رجلي لراسي لأيد لكفوف ؟ 

والعار ملازمني بأزماني 

بقي صاحب بيت وبقينا ضيوف ؟ 

وخزانا الله دنيا ولسه 

في الآخرة الخزي هناك هنشوف ؟ 

وانا واحد منكم زييكم 

مش يعني ببرء نفسي ياعوف ؟ 

علشان للحق هنا وناسه 

مانصرنا وليه ماشهرنا سيوف ؟ 

ولا حتى قدرنا وياكسوفنا 

ليه ندخل مياه ودوا وخروف ؟ 

وحاصرنا وليه وبأرادتنا 

واتحول أفضلنا لحلوف ؟  

لا مشاعر ولا أحساس خالص 

ولا دين ولا قول حتى بمعروف ؟ 

ولا فعل يحافظ لكرامة  

ويخلي عدو يضوق للخوف ؟  

أفضلنا وأحسنا بيبكي 

وبيدعي الله بكلام وحروف ؟ 

ينصر ول غ ز ة ويكرمها 

وتبيد م الدنيا اولاد مخلوف ؟ 

مين يقتل لينا ويرحمنا 

والله ويبقى عمل معروف ؟ 

بقلمي .. ياسر فؤاد الجدي  

الجمعة .. ٢٣/٢/٢٠٢٤