القلم والألم

كل الحروف اتصدَّرت

في كومة واحدة اتجمَّعت 

واتحزمت

كل الأصول اتكسرت

حتي المعاني 

فوق السطور اتغيرت

وقف القلم

ينطق ألم 

يلطم بسنه فى الورق

وكمان أناملى اتسمرت

والحروف.. 

عن السواعد شمرت

حتي الكتابة اتكسرت

وكمان سطورها اتبعثرت

حزين.. 

وحزني بقى أشجان

قلمى و ورقي 

والسطور اتفرقت

والانسانية ماتت

واتشتت.. 

والرحمة ضاعت

واتقطعت..

والدموع في العيون

اتحجرت.. 

والكلمتين 

بقوا للحداد عنوان!

السيد فريج