للذكرى 

كلماتى الشاعر …محمد تريكة تريكة 

كرسى حاطة فى وش باب 

قعدة حلوة ومج شاى 

والبيوت دى من تراب 

مفتوح بيبانها للى جاى 

البيوت من غير بيبان 

مفتوحة لكل الجيران 

والود والصحبه الحلوة 

وكل ذكرى على الحيطان 

البيوت ساكنها حب 

عشرة ماتهونش ياخال 

والحنيه فى كل قلب 

ناس معجونة بالوصال 

ريحة الاماكن القديمة 

ريحة الشوارع الحميمة 

ضحكة الناس الجميلة 

ناس ماتعرفش النميمة 

اللى عاش فى زمانا عارف 

ان البيوت مش بالاساس 

لا تقولى بلوك ولا اسمنت 

البيوت تتبنى بحب الناس 

ياما بيوت زى القصور 

بس جواها وجع 

واللى بيته كله نور 

احسن من اللى بيسوى البدع 

وحشانى بيوتك يابلد 

وحشانى ريحة الشوارع 

وحشانى ضحكة الولد 

والكلام من القلب طالع 

بعشق تاريخك يابلادى 

وفخور بانى ابنك انا 

وهافضل اقول واقول وانادى 

ان انتى فيكى كل المنى 

تحياتى محمد تريكة تريكة 

ريحة الشوارع والبيوت القديمة وحشااااااااانى 

كتير والله ……دهمرو بلدى وافتخر