…….(الروشته)……..

الجهل اصبح م العبر

جسر الغباء فوقه عبر

محتاج نفكر من جديد

ويابخته اللي في يوم صبر

جدد نشاط كل العروق

فكر ونفذ لو تروق

تبدأ حياتك في الشروق

بركعتين فجر وجبر

على العمل إبني الحياة

وبالعرق إوصل مداه

احلم تلاقي الحلم جاه

إعقلها وانتظر الخبر

وبلاش أمور الفهلوه

وتجري ورا كل الهوى

في السجدتين كل الدوى

بتوكلك ربك أمر

معقوله ضيف عند الإله

في الشر يمشي لملتقاه

ليه تتكتب مما عصاه

وتنسى ليه كل العبر

ليه تنسى تكريم الإله

تعمل شرور كل الحياة

لاخوك وتتمنى أذاه

وتشيل ذنوب حتى الكبر

الدنيا وقت يفوت قوام

خلي قلبك فيها خام

تلقى ربك لك إمام

في الدنيا لازم تختبر

سبح واحمد كل يوم

رزقك وفيه كل العلوم

الرزق مش أكل وهدوم

حاجات كتير بين البشر

منها المحبة والسلام

وابن صالح ع الدوام

والصحة ديما للأمام

وزوجة صالحة للقدر

…….(شعر)……….

عبدالله السايح