د/عبدالمنعم الفقي

……

شاعر 

…..

بأقول في كل مجال

الشعر والأزجال

لكن ماحدش حاسس

بمشاعر الزجال

شاعر ومتأجل

إحساسي وشعوري

والوهم متسجل 

في غيابي وحضوري

ع الرف ليه مركون

جنبي عدل دوري

ببلاش أنا مرهون

وزمايلي جمهوري

شاعر أنا مش حاوي

ع الحبل ماشي ليه

أيامي وعصوري

….

وأسمع ورايا صدي

خطاوي مترصدة

لشعري وأموري

وأحاسب من دا ودا

والكلمة مترددة 

ومحشرجة في زوري

والشلة متعودة

في الزفة بتغني

ووجودي بقي صوري

شاعر أنا مش حاوي

ع الحبل ماشي ليه

أيامي وعصوري

…

جوايا بالألوان

غناوي بالإمكان

من ضلمتي نوري

والفكرة مترحلة

مرحلة ورا مرحلة

علي ورقي وسطوري

وحروفي متبعثرة

خائفة لاتتكون

ومخاضها أسطوري

يلوموها كل الناس

مع إن شيء كلهم

واقعين في محظوري

شاعر أنا مش حاوي

ع الحبل ماشي ليه

أيامي وعصوري ؟

….د/عبدالمنعم الفقي…