…….. أنا للبيع ؟ …….. 

********************

أنا للبيع عشان أقدر 

أأكل أسرة أكل الخيل ؟ 

فول وطعمية مش أكتر 

تلات طقات بيوم وليل؟ 

كيسين الفول خمسطاشر 

وطعمية هنا بتلاتين ؟ 

عشر وحدات وفي تلاته 

في أيام الهباب والطين ؟ 

وأضرب دول وفى تلاته 

ب ميه خمسة فوق تلاتين ؟ 

ده أكل لأسرة يامعلم 

وضيف العيش هنا خمسين ؟ 

على اللي عدا وذكرناه 

بدون لحمة ورجول لعجول ؟ 

حوالي ست ألاف مرحوم 

بدون ميه وغاز ملعون ؟ 

ومن غير كهربا وأيجار 

هنا لشقة لولد أصول ؟ 

ومن غير برضوا مصاريفك 

مع عياكم هنا وأمامير ؟  

نقول عايز وزييهم 

هيبقى حداشر ألف يازول ؟ 

عشان تعيش مع أسرة 

خمس أفراد يابابا نويل؟ 

ومش راح تاكل اللحمة 

ده بايره ورايحه نار الويل ؟ 

ولا الفرخة اللي خانتنا  

وبنتها بيضة تمت كيل ؟ 

ولا جبنة منين جبنة 

منين فينوا ولبن وطير ؟ 

بدون لبسك مع عيالك 

مع مراتك وأرض بمير ؟ 

فأنا للبيع فمين يدفع 

هنا لشاعر وتمنه زين ؟ 

رخيص جداً ومش غالي 

يادوب أكل وجهاز بنتين ؟ 

وانا همدح وليه هاكتب 

بدل ديوان ياخال ديوانين ؟ 

واذم يقولي اذم في مين  

بلا قيم ومبادئ شين ؟ 

وماتقوليش عن المبدء  

ده خلانا ناكل بالدين ؟ 

وخمسين عام مصاحبنا 

ولا يقدر يجيب رغيفين ؟ 

ده أصغر علبة للسمنة  

وأردئها بمية ياعين ؟ 

وعيش الفرن هنا منه 

تمانيه بعشرة شد الحيل ؟   

هنافق أيوه هنافقكم 

بصبح وضهر برضوا ولليل ؟ 

عشان أقدر مع أسرة 

أعيش لو حتى زي الخيل ؟ 

بقلم ياسر فؤاد الجدي           

الأربعاء .. ٧/٢/٢٠٢٤