……. وانا بياع ……… 

******************

وانا بياع لجنسيتي 

ولعروبتي ووطنيه ؟ 

انا الخاين انا السافل 

عميل وبنادي حريه ؟ 

ومش لاقي لقوت يومي 

وبعشق أحلى أنسيه ؟ 

عايش فيها وكرهاني 

وحابه قال أفنديه ؟ 

علاقه محرمه بينهم 

ببر وبحر وبميه ؟  

وانا اللي وهبت ليها الروح 

وعنها بزود علانيه ؟ 

دفعت عشانها من دمي 

سنين عمري ولبهيه ؟ 

وجوعت كتير عشان تشبع 

ونمت ب طل وأذيه ؟ 

وكام مره انا أتعريت 

عشان تتغطى هنا هي ؟ 

شقيت العمر علشانها 

وبتمنى الرضا ليا ؟ 

لكن ياخسارة ياقلبي 

بتعشق غيري بلطيه ؟ 

وكارها ليا وصحابي 

ووطنيتي وذريه ؟ 

وعني بتوشي للسلطان 

بليلة حمرا ملكيه ؟ 

..بأني حر والأحرار 

بترفض تبقى ك مطيه ؟.. 

أقول تاني ياولد هلال 

وأسكن تربه بحريه ؟ 

ولا أسكت قهر برضو واموت 

لكن بالبيت مع وليه ؟ 

انا بياع لجنسيتي 

ولعروبتي ووطنيه ؟ 

بقلم .. ياسر فؤاد الجدي  

الأثنين .. ٥/٢/٢٠٢٤  

مجاراه لقصيدة الشاعر مصطفى هلال ..قصيدة عادية .. 

أرتجال وليد اللحظة ..