واهى واخدانا دنيتنا 

سنين بتدور 

مهما عمتنا عتمتنا 

بييجى النور 

ومهما أذتنا وحدتنا 

عمر الوحدة ماتجور 

ومهما خانتنا سكتنا 

يحمينا ألف سور 

مابين الحلوة والمرة 

أسيت ياقلبى مية مرة 

ما تاخد م اللى فات عبرة 

وكل ليلة تبات مكسور 

مابين الآهة والشكوى 

ومية قرب ومية فجوة 

أهم حاجة فى الدنيا 

ياقلبى تبات مستور 

وبين أحلامك الضايعة 

وشجرة أملك الفارعة 

مسيرك تفرح فى ثانية 

وييجى بكرة عليك الدور 

سلوى محمود