سلملى على الدولار 

والحرب والدمار 

والفقر اللى ف حياتنا 

وديونا والايجار 

وسلم على الدينار 

والدهب والسولار 

وجنيه تايه بيعيط 

فى مصر ام العمار 

واللحمة والفراخ 

والفاكهة والخضار 

واللى اتعشم في بكرة 

وأتارى بكرة انهار 

وهاتلى كاس وسيجار 

يمكن أنسى اللى صار 

وحبيبى اللى هجرنى 

ومن كتر الفقر طار 

ودقلى ع الطبلة 

ودندن ع الجيتار 

خلينى اعرفلى ملة 

وارقص على خط النار

بشوفك ليه يادنيا 

فقرأ بس وأشرار 

ده احنا عايشين يا أسية 

غصب بدون اختيار 

ده ذنب ده يافانية 

ولا ده دين وتار 

سلوى محمود