(وحشني كلامك ) كلمات/صبري حسين
حبيبي
عايزة أقولك
وحشني كلامك
اتكلم
عبر عن نفسك
لك من غيري
يشعر بحالك
حبيبي
فضفض
فك سلاسل صمتك
نفس عن نفسك
انا حاسك
شايفة الهموم سكناك
واجعني وجعك
تعال يا قلبي
أرمي رأسك علي صدري
اسمع دقات قلبي
تعال أرويك من حناني
اخبيك بين رموشي
فاكر يا قلبي
لما قلت لك أنت أمني وأماني
معاك بحس بكياني
انت ساكن وجداني
حبيب قلبي
اتكلم
بكل حواسي سمعاك
فهامك
مقدرة كل ظروفك
نفسي تتغلب علي خوفك
انت مش مجرد حبيب قلبي
لا انت مالك كل مشاعري
انت فرحة عمري
أفتح لي قلبك
خرج كل اللي جواك
انا سمعاك
شاركني افكارك
خليني اقاسمك همومك
محتاجة اشوف من جديد ابتسامتك
وحشتني نظرة الامان بعيونك
وحشني كلامك
وحشاني الرسائل اللي بين سطورك
انت يا قلبي
أمني وأماني
كل حياتي
اتكلم
انا سمعاك
انا حساك عيشاك
حياتي
طمن قلبك
عمري مافي يوم أتخلي عنك
دايما واقفة في ضهرك
صبري حسين
ترانيم بحة الناي 